«Detgas e fatg(a)s d’ina perdetga metta» ei in’ovra multimediala cun cant, musica e films. Il fil tgietschen da quella ei la historia digl ischi da Trun. D’ina vart vegn raquintau ord la historia dalla plonta sco tala naven da sia entschatta tochen oz a maun da fatgs historics. Da l’autra vart la historia co igl ischi da Trun ei daventaus quella perdetga mitica dalla Ligia Grischa onns alla liunga venerada sc’ina reliquia. Quella sebasa plitost sin detgas, poesias e canzuns ed entscheiva – per propi – cun l’emprema fiasta centenara dalla ligia che pader Placi a Spescha ha organisau 1824 e culminescha cun la gronda fiasta centenara da 1924.

CUN SUTTETELS TUDESTGS

Enten raquintar l’historia digl ischi da Trun vegn era raquintada la historia dil cant romontsch. Quel ha giugau ina rolla impurtonta pils Grischuns e – surtut – pils Sursilvans sin lur via en Svizra. L’occurrenza sedrezza ad in public interessaus vid la historia, mo era als amaturs da cant, musica e film.

RESPONSABEL:
Clau Scherrer (direcziun musicala)

CUMPIGLIAI EIN:
Lorenz Dangel (cumposiziun)
Gieri Venzin (cudisch e reschia)
Chor cecilian Trun
cantus firmus surselva
scola da cant surselva
Kammerphilharmonie Graubünden