Il teater «Sut igl Ischi 2024 – il teater» vegn presentaus cun suttetels per tudestg. Cun ina versiun concentrada dil toc, lein nus era pussibilitar a nos visitaders e nossas visitadras da lieunga tudestga da puder suandar nossa historia. Ina via per far punts e porscher in access a nossa cultura era sur ils cunfins linguistics.

Las producziuns da teater han era liug da plievgia. Sulet da fetg schliata aura, vegn la producziun spustada. Ha quella buca liug, vegnan ils bigliets screts dabien per ina proxima producziun ni returnai sch’ei setracta dalla derniera. Vegn il teater menaus si entochen pausa, vala la producziun sco fatga ed ils bigliets vegnan buca returnai ni screts dabien.

La tribuna d’aspectaturs ei cuvretga, tier ferma plievgia eisi da cussegliar da prender resti da plievgia. Cozzas ein avon maun, denton en in diember limitau.

Da mal’aura vegn decidiu entochen las 17.00 schebein la producziun ha liug ni buca. En cass da dubis informein nus cheu sin quella pagina – ni sut la numera da telefon 081 920 20 40.