La cultura d’in pievel semuossa era
ella regurdientscha dils trapassai….

Undrai vegnan:
Flurin Darms
Gion Antoni Derungs
Benedetg Dolf
Vic Hendry
Matias Spescha
Toja Isenring-Maissen

Cooperaturs:
Chor d’affons Sumvitg
Societad da musica Trun
Giusep Bundi, cant
Judit Scherrer, cant
Gieri Maissen, clavazin

Novas undrientschas el Curtin d’honur
El Curtin d’honur dalla Ligia Grischa sper la caplutta da s. Onna a Trun vegnan undradas persunalitads dil territori renan ch’ein sefatgas particularmein meriteivlas per lungatg e cultura romontscha. Entochen oz han 31 persunalitads giu quella cuida.

Ils 15 da settember 2024 envida la Surselva Romontscha ad ina festivitad d’undrientscha a Trun. Da niev vegnan las suandontas sis persunalitads undradas cun in’inscripziun sin ina tabla cumineivla:
il scribent Flurin Darms (1918-2009), il cumponist Gion Antoni Derungs (1935-2012), il cumponist Benedetg Dolf (1918-1985), il scribent Vic Hendry (1920-2014), il pictur-artist Matias Spescha (1925-2008) e la pictura-artista Toja Isenring-Maissen (1919-2014).

Program

Avertura el Curtin d’honur / 16:00
Beinvegni dil president da vischnaunca Dumeni Tomaschett e dil parsura dalla Surselva Romontscha Toni Vinzens. Producziuns da cant e musica.

Undrientschas en Sala da cultura / 16:45
Laudaziuns dils undrai/undrada entras Martin Cabalzar, Laura Decurtins ed Alexa Giger.
Purtrets filmics e producziuns da cant e musica. Apero offerius dalla Vischnaunca da Trun

Dumengia
15 settember 2024

avertura
Trun – Curtin d’honur / 16:00

undrientschas
Trun – Sala da cultura / 16:45